Sosiale
aktivitetar
Vi i Vestre Hyen trivst
veldig godt i lag, og året rundt er det duka for aktivitetar. Når
vinteren kjem og nissen dukkar opp, tar vi alle imot han på
juletrefesten i skulehuset.
Den lysaste natta
i året samlar vi oss rundt jonsokbålet, grillar, badar, pratar
og freistar å halde myggen unna. Marknadsdagar dukkar vi opp med
ting vi trur naboen kan tenkje seg og kan nøgde konstatere at
auksjonen gir pengar i kassa til nyttige føremål i bygda.
Elles er både
unge og eldre aktive i det sosiale liv, og anten du møter naboen
på fotballbana ein sein sommarkveld eller over ein kopp kaffi, så
er det alltid kjekt.
For dei minste
har vi søndagsskule og barneforeining og damene har sine
klubbkveldar og foreiningar.
|
